Plantun de Prouvènço

Pèr coumpara dos planto d'encò nostre

Potamogeton lucens & Suaeda maritima

Espigo-d'aigo(-lusènto)

Potamogeton lucens

Potamogetonaceae

Autre noum : Poutamot.

Noms en français : Potamot brillant, Epi d'eau.

Descripcioun :
L'espigo-d'aigo lusènto es uno planto forto que trachis subretout dins lis aigo que soun pas mouvadisso. Se recounèis à si fueio lusènto de 10 à 15 cm de long, emé un pichot pecou, soun pulèu plano mai oundado sus li coustat. Li fueio de dedins l'aigo soun reducho à la costo dóu mitan. Li fru (akène) fan mai de 3 mm un cop madur.

Usanço :
D'ùnis espigo-d'aigo sarien manjadisso en Asìo.

Port : Grando erbo
Taio : 100 à 300 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Potamogeton
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 2 à 8 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Aigo - Ribiero
Estànci : Mesoumediterran à Coulinen
Couroulougi : Bourealo
Ref. sc. : Potamogeton lucens L., 1743

Sòudo-de-mar

Suaeda maritima

Amaranthaceae Chenopodiaceae

Nom en français : Suéda maritime.

Descripcioun :
Planto de l'an, poupouso e rouginasso, que trachis dins li relarg sala. Li fueio soun aloungado e au contro de Suaeda splendens laisson pas passa lou lume. Li grano soun negro e lusènto.

Usanço :
La sòudo-de-mar servié, à passa tèms, à la fabricacioun de saboun. Un cop acampado, li sòudo coume d'àutri planto de bord de mar e de sansouiro coume li lis engano, èron cremado pèr recupera li cendre riche en carbounato (alcalin). Mescla i soubro d'òli, acò fai de saboun ; cadun counèis la qualita d'aquéu de Marsiho. Es uno planto manjadisso en ensalado.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Suaeda
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : Pancaro entresigna
Ref. sc. : Suaeda maritima (L.) Dumort., 1827

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potamogeton lucens & Suaeda maritima

ges

Coumpara Espigo-d'aigo(-lusènto) emé uno autro planto

Coumpara Sòudo-de-mar emé uno autro planto